انا مش صغير رغم اني
لسه مش فاهم كلام..
لسه بسهر ف السرير
لما كل البيت ينام..
نفسي اشوف الصبح بدري..
مش صغير رغم اني
بشبه الطفل الاناني..
لسه بلجأ للأغاني..
لسه بزعل من حبيبتي
بس برجع ليها تاني..
لسه مش مكسوف تشوفني
وقت لما دموعي تجري..
مش صغير رغم اني
لسه زي زمان بخاف..
لسه لما النور يطفي
ارمي فوق عيني اللحاف..
وأبدأ اسرح ف الجميله
اللي انشغل بهواها فكري..
لسه خالي من الهموم..
واما بزهق م الكلام الصعب اقوم..
بس بعشق ام كلثوم..
كنت اول طفل عنده
صبر يسمع انت عمري..
لسه بحلم ابقى ظابط..
لسه بضحك ع اللي قالو
(ياما ثقتي ف مصر خابت)..
لسه بين حلمي وبين الحيطه رابط..
بفضل ارسم عالحيطان
واكتب ان طريقي دغري..
كنت فاهم يومها اني
مش صغير........ رغم صغري..
...................
#مصطفى_فهمي
بشبه الطفل الاناني..
لسه بلجأ للأغاني..
لسه بزعل من حبيبتي
بس برجع ليها تاني..
لسه مش مكسوف تشوفني
وقت لما دموعي تجري..
مش صغير رغم اني
لسه زي زمان بخاف..
لسه لما النور يطفي
ارمي فوق عيني اللحاف..
وأبدأ اسرح ف الجميله
اللي انشغل بهواها فكري..
لسه خالي من الهموم..
واما بزهق م الكلام الصعب اقوم..
بس بعشق ام كلثوم..
كنت اول طفل عنده
صبر يسمع انت عمري..
لسه بحلم ابقى ظابط..
لسه بضحك ع اللي قالو
(ياما ثقتي ف مصر خابت)..
لسه بين حلمي وبين الحيطه رابط..
بفضل ارسم عالحيطان
واكتب ان طريقي دغري..
كنت فاهم يومها اني
مش صغير........ رغم صغري..
...................
#مصطفى_فهمي
ليست هناك تعليقات:
إرسال تعليق