وقالت لى: .......................
" سيب لى فرصة "
.................................
سيب لى فرصة
لما اراجع فيها نفسى
واوعدك ح اخد قرار
واللى بينَّا نأجله لبعد القرار
***
طول ما حسه الدنيا شايفاها بعينيك
وان رحلة عمرى خطوتها بإيديك
وان تغيب عن بالى لحظهبانشغل عنك وبيك
واما اشوفك بانسى روحى ونفسى فيك
يبقى دا مش حب لا
يبقى دا إسمه انتحار
سيب لى فرصة
لما اراجع فيها نفسى
واوعدك حاخد قرار
***
وان عرفت أخبى طيفك عن عيونى
وان لقيت النوم بدأ يعرف جفونى
وان عرفت أخطى خطوة ف رحلتى وانت بعيد
وان قدرت ابدأ حياتى تانى بعدك من جديد
يبقى كان إحساسى بيك
مش حب لكن
كان مجرد انبهار
سيب لى فرصة
لما اراجع فيها نفسى
واوعدك حاخد قرار
***
وانت حاول لو ح اشوفك
دارى نفسك
إوعى عينى تروح لعينك
وان جابولى بصدفة سيرتك
ح انشغل عنك بغيرك
وان لقيت
م الصعب قلبى ينسى حبك
يبقى حقك لاعتذار
ح اعتذرلك وآجى اقول لك
حبى لك آخر قرار
...................
من ديوان " عفوا ... سقط .. العنوان.. سهوا " 2001
ليست هناك تعليقات:
إرسال تعليق