هذا الكلام أدناه
قلبى اللى عاش مُعاناه
مع كل شئ حسُه
اول وجع مَسُه
كان أب ما لحقتوش
بيقولوا كان طيب بيحب كل الخلق
فات عمرُه زى البرق
وفضلت انا وامى فـ الدنيا بنت الكلب
وفـ بيت عريشتُه جريد
كانت امى تالِت إيد
تضاف على إيديا
إدتنى حب يزيد عن يُتمِى بشويه
كان عُمرها ما وصلش للـ خمسه والعشرين
وما رضتش تتجوز
امى اللى لو تبكى
الدنيا بتبَوِز
كملنا ٦سنين
وكأننا فـ غُربه
كان عقل كل إعمامى
مع ابويا فـ التُربه
ما بيسألوش عنى.
ما بيدوناش مصاريف
وامى اللى شبه الريف
ما مالتش لـ السَحَره
مركِبها م التجديف
كات تمشى فـ الصحرا
وخادتنى ع المدرسه
وجابتلى لبس جديد
لمعة عينيها ساعتها
كات شكل يوم العيد
امى(الوتد)و(القيد)والأكل والمرعى
عشان تأكلنى كالتها مِيت صنعه
و وصلت لـ إعدادى
وخِلصت م المريله
ولا شوفت زى أمى
فـ القوه والمرجله
كات(بَرجل)الدنيا
والدنيا كات(منقله)
وجريت الأيام وانا أشب وامى تـ شيب
كات دقنى بتنبت وجدايلها شاى و حليب
انا امى حالها غريب
وعارفها بـتكَتم
إدعولها لجل النبى
أنا خايف أتيتم.
.....................
#عبدالتواب_محمد
بيقولوا كان طيب بيحب كل الخلق
فات عمرُه زى البرق
وفضلت انا وامى فـ الدنيا بنت الكلب
وفـ بيت عريشتُه جريد
كانت امى تالِت إيد
تضاف على إيديا
إدتنى حب يزيد عن يُتمِى بشويه
كان عُمرها ما وصلش للـ خمسه والعشرين
وما رضتش تتجوز
امى اللى لو تبكى
الدنيا بتبَوِز
كملنا ٦سنين
وكأننا فـ غُربه
كان عقل كل إعمامى
مع ابويا فـ التُربه
ما بيسألوش عنى.
ما بيدوناش مصاريف
وامى اللى شبه الريف
ما مالتش لـ السَحَره
مركِبها م التجديف
كات تمشى فـ الصحرا
وخادتنى ع المدرسه
وجابتلى لبس جديد
لمعة عينيها ساعتها
كات شكل يوم العيد
امى(الوتد)و(القيد)والأكل والمرعى
عشان تأكلنى كالتها مِيت صنعه
و وصلت لـ إعدادى
وخِلصت م المريله
ولا شوفت زى أمى
فـ القوه والمرجله
كات(بَرجل)الدنيا
والدنيا كات(منقله)
وجريت الأيام وانا أشب وامى تـ شيب
كات دقنى بتنبت وجدايلها شاى و حليب
انا امى حالها غريب
وعارفها بـتكَتم
إدعولها لجل النبى
أنا خايف أتيتم.
.....................
#عبدالتواب_محمد
