قطز
دقت طبول المعركة
بين التتار والمسلمين
القائد قطز حالف يمين
يهزم جيوش كل العِدى
ورد الظلم ع اللى اعتدى
وكان مكان الملحمة
جوا ارض عين جالوت
واما بان جيش التتار
لاح ف المسلمين
صمت وسكوت
جيش التتار ملهوش عدد
جيش قطز ناقص مدد
رفع المُظفر سيف الجهاد
امام جيوش المعتدين
نادى سلامة فى الجنود
ع الجنة يالا يا مسلمين
قام الجنود متحمسين
سلكوا طريقهم للفلاح
شدوا السيوف ويا الرماح
دخلوا ف ارض المعركة
والغضب ف رؤوسم يفور
حاربوا التتار زى النسور
عيب المسلمين قلة عدد
فعززهم المولى بمدد
من جيش ملايكة منزّلين
حالفين برب العالمين
ليقطعوا رؤس التتار
.................
(الجزء الأول) محمود الأزهرى
ليست هناك تعليقات:
إرسال تعليق