يجوز لو تُبت دلوقتى
من اه لاه
والفرح دايمامخالف
والشبح عمال بيخطف كل يوم منا العزاز
بروازبيفضل بس نبضه بينقطع بين القزاز
مابتصورش هتعدى السنين بيا بدون توهه.....
ولا رابط مابين الدنيا دى وبيا......
سوى الروح اللى مخنوقه فى حلق الباب......
وكام سرداب ورا سرداب وانا نازل
وواحد راح ورا واحد....وانا نازل
وبتمر السنين بيا وتتمرر
يدوب الملح فى المالح ويتملح
يزيد المر بزياده وانا نازل
كيان معرفش ايه اسمى
ولا انتمائى لفين
انا محطوط ف خانة اللى مهوش محسوس
انا شرايينى م الخنقه واكلها السوس
وبشرب م الهموم عاالريق
ومن يأسى .............
مبستغفرش للاحزان
حياتى صفحتين فاضين بدون معنى
جراح وقدرنا جمعنا
يجوز لو توبت دلوقتى
قصور فى الجنه تجمعنا
يجوز لو توبت دلوقتى
قصور الجنه تجمعنا
************
عمروعامر
ليست هناك تعليقات:
إرسال تعليق