بيانو
بعترينى بين حروفك واجمعينى
إعزفينى
فوق بيانو الشعر نوته
غنوة حلوة ....مرة ″ فاعل ˝ فاعلاتن ˝
أُلضمينى .....
فوق صدور مطلع بيوتك
إطرحينى
فوق بحور الكلمه معنى
فوق شطوط الرمل لولى
أطلقينى
فوق شواشى النخل بلبل
يطربو نجوم الليالى
احكى حالى ويسمعونى
جرحى نازف
دمعى نازز من جفونى
وانتى عارفه إزاى بحبك
والعوازل يا حبيبتى كان غرضهم يحرمونى
بالكلام المر مرة
بالخداع وبكدبة مرة
وانتى مارة بين حشايا
وانتى ساكنه بين ضلوعى
وانتى راويه من وريدى
ورد عمرك
وانتى بانية من سنينى
بيوت مداينك
وأنتى قاتله كل احساس المرارة
وبتواسينى
ونسينى....
ابتديت العشق بأرمح
والطريق مفروش ما بينا
فاطلقينى
فوق غيطان الحب ألقط
حبة ود....وحبه صدق
وحبة حبة أنسى جرحى
يعودلى صوتى وتسمعينى
وتمنحينى بعض حبك
زى بيرم .... زى رامى
زى مرسى
هتلاقينى
غنوه حلوه فوق شفايفك
فوق بيانو الشعر نوته بتعزفينى
*********************
عصام مهران
أحسنت أ/عصام
ردحذف