الوسط الثقافي مليء بالأشياء الغريبة، وطبعا كلمة نحانيح قليلة عليهم، لكن تجاوزا هنقول نحانيح..
والنحنوح هو الدخيل على الوسط برخصة .. يمكن علشان موظف كبير.. يمكن علشان عرف طريق التعريض فاشتغلها من بدري، يمكن لأنه مهيأ إنه يكون نحنوح أصلا.. ويمكن والدته اتوحمت على كوز بطاطا فطلع شبه الكوز
النحنوح من الناس دي له مواصفات خاصة جدا أهمها الجبن...
والجبن أنواع أخطر أنواعه هو اللي النحانيح مصابه بيه، وهو جبن من نوع فريد، جبن يشترط 3 خصال.. الكدب والنفاق واللبلبه...
الكدب كلنا عارفينه... النفاق برضه كلنا عارفينه.. أما عن اللبلبة فدي من مشتقات اللبلاب والمقصود بها هنا التسلق على أكتاف الغير
يسرق قصيدة ويغير فيها ويقوم بدور شاعر..
يسرق فكرة إنسان ويروح لرئيسه علشان يعرضها عليه وطبعا رئيسه ياخدها على عواهنها دون أن يسأل عن الراس اللي فكرت
يسيب سيرة دا ويجيب سيرة دا ويسخف من كل الناس رغم إنه أسخف من كلب وأجهل من دابة
عامة دا تقديم بسيط للنحنحة سنستكمله على حلقات إن شاء الله لأن الأمر أصبح لا يحتمل خاصة في شعر العامية... كل نحنوح عارف نفسه والي مش عارف نفسه هنعرفهاله في موضوعه الخاص من خلال مواصفاته القياسية التي سنعرضها سويًّا غن شاء الله
النحنوح الأول
....
.....
.....
......
........
النحانيح هيكون لهم مساحات كبيرة هنا...
تابعونا علشان دا موضوع محتاج آراء
دا مختصر حديثنا عن النحانيح اللي هنكلم عنهم في الفترة القادمة إن شاء الله وهناخد كل نحنوح على حدة واللي يزعل يشرب ميه بملح
****************
سعيد شحاتة
ليست هناك تعليقات:
إرسال تعليق