عمر الفن ما أخر شعوب.. بالعكس دا أنا متهيألي إن الفن هو إيد ربنا اللي بتاخد بإيد الشعوب وبتنور بصيرتها... بس في مصر الوضع مختلف تماما... في مصر تحس إن الفن عامل زي عربية الفول بالظبط.. بعض الشعرا والفنانين والكتاب فنهم بيكون حسب طلب الزبون .. حار أو درة أو بزيت عربيات نوعية الزباين هي اللي بتحسم.. المهم إنه بيفن في الآخر... حتى لو هيفن على نفسه..
الكارثة إنهم "زبدة" المجتمع؛ فالفول بتاعهم مختلف عن فول عم جمعة اللي جنب هيئة قصور الثقافة... فول عم جمعة أحيانا بيكون معمّر -واللي أكل منه يعرف معمّر يعني إيه-
أما فول زبدة المجتمع فدائما ما يكون على منوال "اخترناك وبايعناك".. روح يا جدع ربنا وياك...
لذلك ربنا يستر وما يطلع لنا واحد جديد من بتوع الزبدة يغني علينا ويقول "يا ابو رمش وضحكه وراس واعي... اخترناك جمله وقطّاعي"...
ودا مش جديد بالمناسبه دا أقدم من الجبنة الحادقة في مصر ولذلك عم بيرم الله يرحمه لما طفح منهم قال لهم "يا أهل المغنى دماغنا وجعنا.. دقيقه سكوت لله"
************************
سعيد شحاتة
ترليار مبروك للاديب الفنان صديقى الجميل سعيد شحاته
ردحذف