يا سيدي الفاضل
الغل غول
عمال بينهش في القلوب
واحنا اللي في الفتارين
بيملانا التراب
يا سيدي الفاضل
ايه اللي فاضل م الادب
غير اللي فايض م الوجع
بيعيش ما بين الناس
متعشقه حروفه
خوفه من الكاب والشريط
خلي شريط العمر..
.. مفهوش معجزات
يا سيدي الفاضل
اني نصحتك ع الملأ
والناس غلاء
شايل كتير
فمتفتكرش انك امير ..
..والناس خدم
خدم عليهم كلهم ..
تصبح ولي
يا سيدي الفاضل
هلا رايت الحب يسكن بيننا
ملعون ابوه الكبرياء
يا معشر الشعراء
اني كففت عن الأنا
لو حتي ضاع مني براءة الشعر
وطهارة الحروف
الانسانيه اهم من كل الظروف
فشوف ظروف الناس ومد ايديك
يمكن يلين قلبك.. ولو مره
يا سيدي الفاضل
غمض عنيك
والمس مكنتك عالورق
تتهد ابراج الخيال
الي انت عايش فيها دون الناس
طبطب علي كل من ضاع حقه وسط اليم ..
...وانت اولهم
يا سيدي الفاضل
اجمع شتاتك واستريح
العمر ده اكبر ضريح
بنطوف عليه
فشد عودك واتصلب
وامسك بعودك..
... غني بين الناس
هتكسروا الزنازين
وهتلتقوا ع الشعر
اكثر من رائع يا شاعري الفاضل
ردحذف