ليه بتسب البني أدمين؟
------------
ليه بتسب البني أدمين ؟
ليه بتقول للدنيا بحالها
إننا فعلاً ناس جاهلين؟
إنت مِصدق إنك فاهم
إنك عاقل
إنك عندك ذرة دين ؟
وانت بتعشق لون الدم
وحابب مصر في صورة إلهم
حاسس فعلاً جواك قلب
بنبض زي البني أدمين ؟
ارجع يا ابني وراجع روحك
أصل الغلطة اللي بتغلطها
لو تنساها أو تنكرها
فيه كُتاب في السما فاكرين
مهما تعمر في الدنيا دي
مجني عليه أو كنت البادي
كل العيشة بطولها ثواني
وكلنا منها أكيد ماشين
عقلك حطه يا أخويا في راسك
واعرف منه بجد خلاصك
واعرف إن يا أخويا بجد
عمرنا واحد مش عمرين
ليست هناك تعليقات:
إرسال تعليق