ديكومراطية
ديكومراطية تعددية
مجارى سالكة من البلدية
تقوللى أبيض تقوللى أحمر
بلل فى أعضائى الحزبية
----------
أكم معانى عشان أمانى
عملت صوانى جلاش وضانى
ومحشى كوسة ضد العنوسة
الكرش بقى كندوز يا ولية
-------------
مظبطاتى يسرق حياتى
يقوللى روحى على العجلاتى
يا بسكلتة وخمسة ستة
وفول بزبدة معاه طعمية
--------
يا واد يا بوجى يا ديماجوجى
أسمع كلامك أقلب مروجى
وألبسلى حاجة وأقول ديباجة
تمجيد لقبطان الحرامية
----------
الطبخة ظاطت منك وباظت
يقولوا باسط إيديك وقامط
تعملها تانى نفس التفانى
تسبيكة محتاجة لتقلية
------------
شيخ القبيلة خللاها نيلة
عملوله شعر بدون تفعيلة
ودى تيجى برضه نقع فى عرضه
مداد وزحاف للقومية
-----------
محتاج أهلفط كلام بازوكى
يا ست روحى لبيت أبوكى
لحسن بعانى من إحتقانى
رافعين عليا مليون قضية
..................
#محمد_النويهى
17/5/2015
ليست هناك تعليقات:
إرسال تعليق