أسير
كلمات / بسمه شعبان
وانا كافر مداد روحى ببكرة الجاى
بكل معانى احساسى
بأنفاسى
برمش عيونى لو سلم
على رجف النسيم جواك
أعيش ازاى وانا مش مبتدايا لقاك؟؟؟
دا بكرة الصبح هتودع سنين عشقاك
ياحلم بينتهينى أسير
كفاية بعاد وحررنى
وقيِّد قلبى بضلوعك
ياتكسر قيدى
تكسرنى .
منايا تردلى روحى
تخيب فى البعاد ظنى
وييجى الصبح متمدد
مابين قلبين فى أحضانك
أفتّح روحى توحشنى
أغمض روحى أوطانك
ماهوش جاى الحنين تانى
دا كل مابعدى سجانك
هتكفر فى امتداد روحك ببكرة الجاى
باحساسك
بانفاسك
برمش عيونى لو سلم
على رجف النسيم جواك .
لآخر مرة اقول حسااك
وانا قلبى اللى مات قبلك
ماهوش صادق فى وعده معاك
هفارق نبضى فى بعادك
هودع عمرى بيك وياك
*********
بسمة شعبان
ليست هناك تعليقات:
إرسال تعليق