موج
ف الانتظار
طالت خطاوى سكتك
ومن سنين....
بغزل بفرحى طرحتى
بحلم أكون.....
وتكون لى أنت ف دنيتى
مشتاقة ليك
يالى إليك
بكتب رسالة
جوا موج البحر
كانت من زمان
وأنا وقفه ف نفس المكان
ف الانتظار
للرد لرسالة زمان
الموجه تجى
ورآها موجه تهز
أركان الحياة
أما أنا
أنا وقفه صامدة ف المكان
ممكن ترق
ترد لى رسالة زمان
وألا يكون أنا عقلى تاه
واتلخبطت كل الشطوط
والموت أكيد لو هى تاهت
وسط شط من الشطوط
أنا ف انتظارك
مهما ح يطول الطريق
ويعدى يوم
حتى النجوم
تشهد عليه ف السما
وأنا وقفه ف نفس المكان
ويعدى يوم تانى كمان
وأنا ف انتظار
رد الرسالة من زمان
وأن ف انتظار
رد الرسالة من زمان
ليست هناك تعليقات:
إرسال تعليق