هتخلص ليه حكايتنا
وانتِ القلب ويا الروح
وانا امبارح بإحساس حى
واحلامك لبكرة الجى
ومين عنده دوا نوحك
ومين يفهم نغم دوحك
ومين لو توهتى عن حلمك
هيعرف فين طريق روحك
وتخلص ليه حكايتنا
وبيتى ودنيتى حضنك
وحضنى لو يضيق الكون
يكون عالم على قدك
وبيتنا بالغرام جنه
حدودى وجنتى حدك
وتخلص ليه حكايتنا
مادام حضنى دفا بيكى
وف أديكى حياة قلبى
اللى عاش ملهوف
على قلبك
وتخلص ليه حكايتنا
مادام لينا الهوى مقسوم
ومين فينا يبيع روحه
ولو يحاوطنا تل هموم
ونتشابك .....ونتباعد
ونحضن شوقنا ونعاند
ولا فينا اللى يقدر يوم
يعيش محروم
-----------------
أسعد غالى
—
ليست هناك تعليقات:
إرسال تعليق