البيصي بيقولكم
لو كنتوا مش فاهمين
أنا مش ها أكون حلمكم
أنا حلم ناس تانيين
أنا حلم للفاسدين
وحلم للخاينين
وحلم للكارهين
لعدالة الموازين
أنا حلم للي خان
وحلم للي هان
وحلم للي كان
في زمرة السارقين
أنا حلم بالتعجيز
للثورة فين ما تكون
أنا دولة العواجيز
وحلفها الملعون
أنا للي عاوزة غموس
مش حلم .... ها ابقى كابوس
لا طايلها مني فلوس
ولا أكل للمساكين
أنا حلم للجبار
إني أخد له التار
وأعيده للأنوار
واشرد الثوار
أنا حلم كل عبيط
ودولةالظبابيط
وحلم للشراميط
وحلم للفُجَّار
أنا حلم للقابضين
وحلم للهاويين
ياكلوا على الجانبين
وحلم للأشرار
أنا حلم للإعلام
وأساتذة الأوهام
وحلم للي صام
عن نهبه بالإجبار
ماتعشموش نفسكم
أنا أصلي مش حلمكم
ولا أرضي هي أرضكم
ولا جنتي والنار
أنا حلم للغدار
والتعلب المكار
والأفعي والصرصار
وحلم للفاشلين
أنا حلم وحلمتوه
أو لهو واتلهيتوه
أنا شر لو جبيتوه
ها تكونوا م الآسفين
ليست هناك تعليقات:
إرسال تعليق