وقلت
الليلة اعدى لك
أمد الخطوة
اتحرك
لباب الجنة
واجى لك
أقول لك
يامه
واحشانى
واحشنى الحضن
والدعوات
ولمسة ايدك الدافية
وترتيلك
وكلمة ( ياابنى ) واحشانى
ونفسى
اسمعها من تانى
واعود من تانى
فرخ حمام
حياته وروحه فى هديلك
وينده من بعيد الصوت
( محمد )
انتبه
واسمع
واقول لو بعد موتك موت
حيفضل جوا قلبى يقين
بانك عايشه ويايا
فى قلبى
ف روحى
فى الوجدان
حيفضل يامه جوايا
تمللى ايمان
بانك ليه ضلايه
وشط امان
ولما اتعب من الضلمه
ينور ليلى قنديلك
وكل ماشوقى بياخدنى
بكل الحب اعدى لك
امد الخطوة
واتحرك
لباب الجنه
واتبسمل
وانادى لك
************
محمد عباس علي
ليست هناك تعليقات:
إرسال تعليق