حاجات منك بتشبهني
حاجات يمكن منقصدهاش
وليه في الأصل نتشابه
دا بيك انت الحياة تتعاش
وأكونلك كون ونجماية
وأعيشك قصة وحكاية
وأفوت قلبك
على قلبي
وأقول يمكن بتتسلى
أعاود للحياه تاني
وأفارق كل أحزاني
وأعيشك ليل
بيتمنى الرجوع لنهار
وأعيشك دار
وقلب خضار
وليه مشوار
حياتي معاك ما بيمشيش
أنا الدرويش
في ملكوتك
وأنا همسك وأنا سكوتك
وأنا الكلمة اللي ما بتتقال
أنا الموال
عيونك ليا سحر الكون
وقلبك قد 100 مليون
وكون تاني وفضا ونجوم
**********
محمد صبحي نصر
ليست هناك تعليقات:
إرسال تعليق