وحشانى
.......
وحشانى مع إنك جنبى
مع إنك نبضايه فى قلبى
مع إنك حبى إلى بعيشه
بجنونه وهدوئه وطيشه
أنا طيرك
ليه طيرك دايما ياحبيبتى
مقصقص ريشه ؟
.......
أنا عايشك
دايب فى معايشك
أنا نهر الخير إللى معايشك
أنا جندى بيحميلك عرشك
وفــ حجرك طفلى بيتمرمغ
على طراطيفه
أنا طيرك
ليه طيرك دايما ياحبيبتى
مقصقص ريشه ؟
.......
فكيلى القيد من على عينى
ضُمينى فى حضنك أرمينى
هاتى إيديك ...
مدى لى إيديكى
أنا صيفك مطرك وخريفه
أنا طيرك
ليه طيرك دايما ياحبيبتى
مقصقص ريشه ؟
.......
أنا عمرى ماقلت الأة ....ِ مِنك
أنا قلبك ..عينك .. أنا نِنِك
أنا أنت ... وأنت الصلَىَ والصوم
أنا عبدك غنى وفقير معدوم
أنا لحمك ... فولك وفلافلك
أنا فجرك .. وياعالم فجرك
مين هايعيشه ؟
أنا طيرك
ليه طيرك دايما ياحبيبتى
مقصقص ريشه ؟
.......
عادل التونى
ليست هناك تعليقات:
إرسال تعليق