قطر اربعة وتلت
شعر / حمدى مهدى عماره (نقادة )
إلى / ضحايا قطار الصعيد
آخر سنين التمننات
لما وسقت ,, ف ,, شنطتك
كل اللى كنت بتملكه
لو حتى يعنى غلض عين
وركبت قطر العصر
تحلف بالنبى
ان انته فاتح
سكة اللى يروح ما يرجع
غير كدا 000
وربك بيجبر للى فات 000
امك قدامها يومها حفيت مشورة
وتسلمه 00 فضلت لبانة ف بقها
من بيت لبيت
علشان م تجمع للبضات
عاده ف بلدنا
اول م تنوى 000
أمك تصرلك رغيف
مع دقة وشوية بضات
ياخد عدوك 000
نقت أمى اكبر رغيف
وغلتلى اربعه م البضات
متقلشى يعنى انته المفتح وسط عيله 00
قللى تشرب ؟
قلت هات
صبللى من سطلو العفش
وكان لحظة م احنا رحنا
نكب منقوع الصرم جوه الحلوق اتفتحت
اوسع طريق توصل ما بين
الغلب وبتوع القرف
ابو قفه وابو كرتونه وابو شماعه فات
جلاب ابر بوابير كتب
نعناع مسكر ولعات
والقطر مغرم كل متر
يولى على قولة سكات
لجل اما يغرف بياعين
متقلش دى الليلة الكبيرة
وانته واقف منظرة و ف وسط مولد
سيدى يلا دور وهات 000
القصد قول الزحمة بقيت معبكة
ابو مخلة وابو قفاصين يكاكو
كلو عفص والتقيت
وكأن وش العبد لله اتفرط
عتبة جامعنا ف ضهر جمعة
بتشرى واصل بالجزم من كل لون
والقطر كلو صار عنين
وانته المفتح جوه منك للوره
0000 مين كان يقول ان انته وبخاطرك
فايتها طرحة امك 000
صبلى من تانى ولا ترقب زمن
ووصلت مصر ف نص يوم
يا هل ترى مين اللى صد القاهرة
ومجتش علشان تلتقيك
- من بدرى – على باب الحديد ؟
00 الناس اكيد بتمد لجل تخط لك
دربك على وش المدى
00 من امتى كان ولقعدتك
تربيعة العمر الشقى على كوم تراب المصطبة
أيتها قدرة وحل لى 000
انك تفسر ما ترى
اتوبيس 0000 ؟
لطمت ف عبى يعنى نقصت هم
عشان كدا 000
لازم يا عادل نشالين ؟
وبقيت كدا باكور ف نفسى ع الفضا
طول الطريق
كل اما صوتو يقول ورق 000 ؟
افضل احسس ع الجيوب من جيب لجيب
رغم ان كل اللى انته كنت موزعه
فكه على كل الجيوب
ما يكفى عشوة قطتين
او كلب لولو ابو سلسلة
ولمحت وش القاهرة
اول م قلت يا ست قعدت مطرحى
لملمت على عب الخجل
بعد اما فقعت دحكتين
كل اللى كنت ح ابعتره
بعديها نشفت العرق
ونزلت 000
كوبرى مسطرد بحلق عيونو ف شنطتى
وشنطة قريبى بتنطرح على كتفو
تسبق خطوتى
شرع الشبيورى
وقعدة البت اللى راح تشوى الدره
على نار ضلوعك فرقوا قلبك على كل الحتت
من حارة سد لاختها
سقالة ايه ديه اللى كات رح ترفعك
وانته اللى شايل
وف عنيك الحلم طالل م الورق
مكتوب تعيش المعضله
وما تكمل اللى وانته راجع
جوه فى القطر الجهم
ويضيع بخور السيدة
مع كل م انته بتملكه فى الشنطة
لكن غلض عين
تدخل على امك متلقيش
فى الصرة كسرة من الرغيف
او قشرة من لربع بضات
غير همه بس
شوية الدّقة اللى جرّو ا
جوه حلقك ملحهم 0
ليست هناك تعليقات:
إرسال تعليق