أنا قلقان
أنا مش شايف طاقة نور
ولا مُتشائم ولا مغرور
شعب اتعود إنه يثور
وكرسي القصر صبح بَنّور
نهضة بكرة كلام في كلام
حب وعطف وشوق وحنان
كله بيرمي على الغلبان
كله بيجري وعايز دور
جرس السيسي بيضرب قوم
نهضة مصر في عدم النوم
حقيقي كلام فعلاً موزون
عندنا شغل يكفي الكون
واللي يقول في بطالة موجودة
يصبح ابن عويل وحقودة
غاوي يركز ع الأخطاء
رافض أي وعود موجودة
ركز بكرة ما فيش إرهاب
بدل العدس الطبخة كباب
نام اطمن فيه ع الباب
بدل الحارس خمسة شباب
لا رصاص تاني ولا نبوت
ولا كرش هيحكم ولا حوت
ولا كهربه تقطع في بيوت
ولا نهضة فيها نيلنا يموت
أنا قلقان جداً من بكرة
مش مستوعب أيها فكر ة
نفس اطمن على ثورتنا
خايف تصبح فيلم ونكرة
*********
وليد الوصيف
ليست هناك تعليقات:
إرسال تعليق