بعلم الوصول
__________
جوابك مسجل
بعلم الوصل
تقدم .. تأخر
هييجى ف معاد
تسافر بعمرك
ف كل الفصول
هترجع كأنك
فى يوم الميلاد
سفينه تعدى
على كل حى
و مهما تهدى
خلاص كله جاى
وعمرك وعمرى
طريق فى الحياه
يا نغرق يا نوصل
لشط النجاه
تسلم لغيرك
صكوك التاريخ
وتوصل بحلمك
لآخر المطاف
تخاف من حمولك ..
تخاف من وصولك
هتوصل .. هتوصل
مفيش اختلاف
فعيش ابنى أملك
وخفف ف حملك
وسدد ديونك
لا يمكن تخاف
____________
علا بركات
ليست هناك تعليقات:
إرسال تعليق