ع القهوه الساعه تلاته
ما بأيدناش ولا حاجه
نشرب شفطه من البن
نتذكر بسذاجه
ازاي كنا بنتذاكى عالدنيا بكم غباء
بيكفي بلاد و يفيض
بقى معقول صدقنا
نفرح و يجينا العيد ؟
العيد مهواش لينا
و ان كان لينا مهيجيش
هيبحر من قبلي
و يزوغ بين شرق و غرب
ياما كان في ناس قبلي
بيجيها العيد بالكرب
فهنرضخ للمكتوب
و نطاطي الروس للرب
و هنفرح انه مجاش
و ندوس على نن القلب
مبنتعلمش بلاش
بعزننا متنا ف حرب
و حقيقي العيد موجود
بس الناحيه التانيه !
هيعدي فنلمح ضي
مش أكتر من ثانيه
فتقولي ده ايه اللي هناك ؟
و انا هعمل مش عارف
و تقولي انك شايفاه
و انا هحلف مش شايف
تضحكي و انتي بتبكي
و انا هعمل تلاجه
عالقهوه الساعه تلاته
ما بايدناش ولا حاجه.
***************
ليست هناك تعليقات:
إرسال تعليق