الحزن عشش عالحيطان ..
والنور برغم قوته أكلهُ الضلام
والقلب فاقد كل احساس بالامل ..
والروح بتتنهد هوّان
ماعرفش ليه..
كل اما بضرب ايدي فى العتمة ..
تخرج بجرح
وكأنى مخلوق للالم..
ماعرفش فرح
الذكرى جرح وملتهب ..
لو لمسه نسمة ريح بيصرخ م الوجع
والاهه نار..
بتهد جدران القلوب تحبس ف روحها الدم ..
وتعطش الشريان
وانا وحدى عايش وسطهم ..
عمال بقول للموت تعالى مابيجينيش
وكأنه فرحان بانهزامى ..
وسايبنى صيدة سهلة لضباع الالم والانفصام.
*************
محمد جنزورى
ليست هناك تعليقات:
إرسال تعليق