قضبان ما تعرفش الرصيف
قلبِك رفوف ...
شايل ملفات التعب
مناديل ورق
كشاف بيشحن كهربا
حلقان دهب
الضحكه أشكال معدنيه
و الجُثه شقيت طبطبا
من غير أدب
يا جنيه عنيد
شاهد عيان على جتتى
متمرجحه من إيد لإيد
واخد ضلوعى فى سكتك
قضبان ما تعرفش الرصيف
يارغيف ياحنة معدتى
يا ضيف خفيف
البرد عمره ما كان مطر ...
والجوع خريف
الجوع مخيف
كفيف وداخل فى السباق
يا ملامح الأسلفت فى بيوت الزقاق
يا بطون ما تعرفش الشبع
الخلق شبعت مصمصه فى جسدى النحيف
وانا بشتهى ريحة الرغيف
لون الشتا
شكله الضبابى المستدير
يا ناسى يا صحيا و ميتا
وجودنا مش فارق كتير
************
عاصم المراكبي
ليست هناك تعليقات:
إرسال تعليق