علي لحم بطني
بيني وبينك طريق / رايح
والف طريق مش جي
بيني وبينك تعب
وضلعين مكسورين
وانا بجري وراك زمان
واتشعبط ف هدومك / أمل ..
واخد من عنيك الضي
وبيزرع شمس ف الحواديت
بيني وبينك علي لحم بطني ..
من امبارح ..
وروحي نازله ف جتتي تخبيط
ولا عارف أروح من روحي وامشي ..
ف طريق والخطوه مش ليكِ
والعمر غنوه حزينه , والوطن ..
لحني
وجودك شئ مريّحني
غيابك أرض بور الدنيا حواليّه ..
والزمن قاطع طريق ..
بين الحلم وعنيكِ
****
مراد ناجح عزيز
ليست هناك تعليقات:
إرسال تعليق