كــــراكــيـــب
خسرت احلامك بوجودها
فى البوم الحقايق
بواقى فى صندوقك القديم
دفن الفاضل جواك
غطاه التراب وبتفتحه
واياك
سجن الالم يوسوس رجوعها
لسه فــ دور الكدبة والكداب؟!!!
عصا موسى اللى دوخت عليها
وبتحلم تشق اليأس وتعدى
ويغرق فرعون الخوف
ايد عيسى اللى تحيي الحياه
لسه الصنم مسكتش
يوم ما قال انه الاله
فاكر انه فوق الكعبة
واللعبة راعبة الكل
ونطل عللى باقى من الوشوش
باقى الرتوش
من الضحكة الضاحكة علينا
وحوالينا وشوش مسروقة
مدلوقة فى كوباية القهوة
السادة-- وكالعادة
بتبوش م الدم فى عز الكم
وكفاية تبحلق فى الصورة
النايمة فى حيط المدينة
قلبك مَلْ
والحل
قرر يرتجل
حبة مشاعر مؤسفة
واتمرد ع اللون البايخ
وبغير اخطار
واتقابل برصاصته الشيك
ويكمل بالرفض الاخرس
فى تابوته المتعبى سذاجة
ومحتاجة الذكرى تعيش
بمعاش القلب –
ويجلها الرفض بإخطار
إنه مماتش اصابة حب
محمود سعد
ليست هناك تعليقات:
إرسال تعليق